' Therwith Sir Galahaut lyft
up hys vyser, and rode towardes the knyght to have taken hym by the
raygne of hys brydell, and cryed, '_Our Ladye of Rybamont_!' than Sir
Roger of Coloyne sayd, '_Coloyne to the rescue_!'[95] Whan Sir Renolde
of Boulant sawe what case he was in, he was nat gretly afrayed, but
drewe out his sworde; and, as Sir Galahaut wolde have taken hym by the
brydell, Sir Renolde put his sworde clene through hym, and drue agayne
hys sworde out of hym, and toke his horse, with the spurres, and left
Sir Galahaut sore hurt. And, whan Sir Galahautes men sawe theyr master
in that case, they were sore dyspleased, and set on Sir Renolde's
men; there were many cast to the yerth, but as sone as Sir Renolde had
gyven Sir Galahaut that stroke, he strak hys horse with the spurres,
and toke the feldes. Than certayne of Galahaut's squyers chasyd hym,
and, whan he sawe that they folowed hym so nere, that he muste other
tourne agayne, or els be shamed, lyke a hardy knyght he tourned, and
abode the foremost, and gave hym such a stroke, that he had no more
lyste to folwe him. And thus, as he rode on, he served three of theym,
that folowed hym, and wounded theym sore: if a goode axe had been in
hys hand, at every stroke he had slayne a man. He dyd so muche, that
he was out of danger of the Frenchmen, and saved hymselfe withoute any
hurte; the whyche hys enemyes reputed for a grete prowess, and so dyd
all other that harde thereof; but hys men were nere slayne or taken,
but few that were saved.
Pages:
172
173
174
175
176
177
178
179
180
181
182
183
184
185
186
187
188
189
190
191
192
193
194
195
196