Off gret gests a _sow_ thai maid,
That stalwart heildyne aboyne it haid;
With armyt men inew tharin,
And instruments for to myne.
Syndry scaffalds thai maid withall,
That war wele heyar than the wall,
And ordanyt als that, be the se,
The town suld weill assaillyt be.
Thai within, that saw thaim swa,
Swa gret apparaill schap to ma,
Throw Craby's cunsaill, that wes sley,
A crane thai haiff gert dress up hey,
Rynnand on quheills, that thai micht bryng
It quhar that nede war off helping.
And pyk, and ter, als haiff thai tane;
And lynt, and herds, and brymstane;
And dry treyis that wele wald brin,
And mellyt aythir other in:
And gret fagalds thairoff thai maid,
Gyrdyt with irne bands braid.
The fagalds weill mycht mesuryt be,
Till a gret towrys quantite.
The fagalds bryning in a ball,
With thair cran thoucht till awaill;
And giff the sow come to the wall,
To lat it brynand on her fall;
And with stark chenyeis hald it thar,
Quhill all war brynt up that thar war.
* * * * *
Upon sic maner gan thai fycht,
Quhill it wes ner none off the day,
That thai without, on gret aray,
Pryssyt thair _sow_ towart the wall;
And thai within sune gert call
The engynour, that takyn was,
And gret manance till hym mais,
And swour that he suld dey, bot he
Prowyt on the sow sic sutelte
That he to fruschyt ilk dele,
And he, that hath persawyt wele
That the dede wes wele ner hym till,
Bot giff he mycht fulfil thair will
Thoucht that he at hys mycht wald do.
Pages:
161
162
163
164
165
166
167
168
169
170
171
172
173
174
175
176
177
178
179
180
181
182
183
184
185